Северна Кореја нема еднострано да се откаже од своето нуклеарно оружје

Северна Кореја соопшти дека нема еднострано да се откаже од своето нуклеарно оружје, додека САД први не ја укинат нуклеарната закана. Соопштението доаѓа во момент кога разговорите меѓу САД и Северна Кореја за денуклеаризација се во ќор-сокак.

Изјавата предизвика дополнителни сомнежи дали севернокорејскиот лидер Ким Јонг-Ун некогаш ќе се откаже од нуклеарниот арсенал. Ким и Трамп се сретнаа во Сингапур во јуни, по што најавија целосно нуклеарно разоружување на Корејскиот Полуостров.