„Штаермеркише шпаркасе“ ја презеде „Охридска банка-Сосиете женерал“ за 52 милиона евра

Одобрение за зделката треба да дадат регулаторите : Европската централна банка,Народната банка,Комисијата за хартии од вредност и Комисијата за заштита на конкуренцијата.

Сава Далбоков-„Штаермеркише шпаркасе банка“ – Грац

,,Со новото име на државата ова е речиси прва инвестиција на  меѓународен инвеститор  што доаѓа сега во земјата.Присутен е но сега тоа е еден сигнал, се надевам и за пошироката меѓународна јавност  и бизнис заедница дека на базата на тој развој гледаме инвестициски потенцијал  во земјата.Се надеваме дека тоа ќе ги поттикне  и мотивира и другите инвеститори ,може и да се банки не е проблем, но и во реалната економија да ги донесат своите пари и да инвестираат и тие во Македонија.“ 

Според регулативата австриската банка треба да упати јавна понуда за купување  и на акциите на малцинските акционери,  кои поседуваат 25 насто од акционерскиот капитал на ,,Охридска банка-Сосиете женерал“. Веќе е најавена цена од 6300 денари за акција.

Георг Бухер-„Штаермеркише шпаркасе банка“ – Грац

,,Претстои еден период од 6 до 9 месеци во кој што очекуваме да ги добиеме  повратните одговори од локалните регулатори, пред се Централната банка,Комисијата за заштита на конкуренцијата  и останатите надлежни институции , што очекуваме да се заврши најдоцна до четвртиот квартал на оваа година.“

Централата од Грац најавува   брзо спојување   и  кон  средината на 2020-та ќе  има една банка во земјава,со едно седиште и еден  менаџмент.Австриската банка со преземањето на Охридска банка  и  заедно со Шпаркасе банка Македонија   ќе биде четврта по големина банкарска групација во земјава,  со вкупна актива од околу милијарда евра.

Свето Николовски