Соработка со наставник од Шведска на часовите по физичко и здравствено образование

Во период од 28.10 до 02.11.2019 г. учениците од  V-1   одделение од ООУ ,,Дане Крапчев” –Скопје и нивната наставничка Данче Костовска - Јакимовска имаа несекојдневна можност да бидат домаќини на наставникот  Роби Костовски – кој 16 години работи како наставник  по физичко и здравствено образование со ученици од VII до IX одд.во Шведска.

     Беа реализирани  несекојдневни  часови со многу динамика, тимски игри,часови на кои на прво место беше развивањето на  тимскиот дух, ,почитувањето на правилата на игра, градењето чесен однос кон соиграчот и кон противникот, правилното користење на реквизитите, јакнењето на самодовербата ,упорноста и желбата за успех и за напредок.

     Игрите: ,, Јоши”;  ,, Јенка”;   ,,Кинески ѕид”; ,, Изгорена топка”;  ,,Опавче”; ,, Кенгури”;                        ,,Воз”; ,,Кој помалку”;  ,, Каде е топката”... , и  многу други предизвикуваа големо воодушевување , правилата беа совладувани брзо ,а игрите изведувани со големо задоволство.Часовите траеја повеќе од предвиденото , а замор не постоеше.

     Учениците имаа можност ,преку видео презентации да дознаатво какви услови и на кој начин се изведуваат  часовите по физичко и здравствено образование во Шведска.

   Од остварената соработка користа за наставникот беше непроценлива –задоволството и радоста кај учениците немерливи.

   На разделбата имаше многу емоции и ветувања. Наставникот го испративме со изработена ,,Книга на спомени “ .Секој учениk даде ветување дека спортските активности ќе  бидат дел од неговото секојдневие, наставничката даде ветување дека ќе го применува виденото и наученото ,а наставникот Роби ни вети повторна средба и ни порача:

Избери здравје – избери спорт !

Здраво тело-здрав дух –здрава нација !

Подготви

Радмила Гиевска