Неделно училиште во МПЦО „Света Троица“ во Келн

Во МПЦО „Света Троица“ во Келн, Германија се организира неделно училиште за деца. Во рамки на училиштето ќе функционира црковна работилница за деца и фолклорна секција.

Наставата ќе биде приспособена според возраста на децата. Целта е низ креативност и игра децата да учат за религијата и за македонските традициции преку песна и ора.

Нема ограничувања за возраст, што значи дека децата од најмала возраст ќе имаат можност да говорат на мајчин јазик и да се запознаваат со македонските традиционални вредности.