Основната каматна стапка намалена на 2%

Народна банка донесе одлука дополнително да ја олабави монетарната политика. Основната каматна стапка се намалува за 0,25 процентни поени и сега изнесува 2 отсто.

Централната банка појаснува дека овој потег се темели на постојаните поволни движења на девизниот пазар, што довел до поголем раст на девизните резерви од очекуваниот.

Економскиот раст е во согласност со проекциите, има зголемување кај депозитите и кај кредитите, па се оценува дека последните макроекономски показатели се движат во согласност со очекувањата и проекциите на банката.