Михаил Мишустин е нов премиер на Русија

Со 383 гласа „за“, руските пратеници го ратификуваа именувањето на Михаил Мишустин за нов премиер по ненадејната оставка на владата и најавите за уставни измени.

Воздржани беа 41 пратеник од Комунистичката партија. Поранешниот шеф на Федералната даночна служба беше кандидиран од претседателот Владимир Путин.

Дмитриј Медведев, како заменик- претседател на рускиот Совет за безбедност, останува на чело на владејачката партија „Обединета Русија“, која ја водеше додека беше премиер.