Дождовите ги ублажија пожарите во Австралија

Интензивните врнежи, проследени со грмежи, ги ублажија пожарите во австралиското источно крајбрежје, олеснувајжи ги напорите на пожарникарите и фармерите кои од септември се борат со огнената стихија во која загинаа 29 луѓе, стотици милиони животни, а уништени беа повеќе од 2.500 домови.

Најтешко погодени се државите Викторија, Нов Јужен Велс и Квинсленд. Пожарникарите стравуваат дека дождовите, сепак, нема да бидат доволни за да ги изгаснат сите пожари.

Во делови од земјата поради силното невреме проследено со грмотевици и силен дожд илјадници домови останаа без електрична енергија.