Нови 89 случаи на Ковид-19, седум починати, оздравени 17 пациенти
Вкупната бројка на Ковид дијагностицирани во нашата земја од почетокот на епидемијата изнесува 2.315, бројката на оздравени пациенти е 1.569, на починати е 140, а во моментов бројот на активни случаи во земјата изнесува 606.
Расте бројот на заразени со коронавирус во земјава. Во последните 24 часа се направени 727 тестирања, а регистрирани се 89 нови случаи на Ковид-19, соопшти Министерството за здравство. Од новозаболените најголем број случаи се во Скопје- 35 и Штип- 27. Во Куманово се регистрирани 12 нови случаи на Ковид-19, во Тетово седум, Кочани- четири, а по еден новозаболен во Прилеп, Гостивар, Струмица и Свети Николе.
Од ресорот здравство соопштија дека во ГОБ „8-ми септември“ починаа шест лица, двајца од Скопје на возраст од 83 и 80 години, двајца од Куманово на возраст од 73 и 66 години, еден пациент од Струга на 44 години и еден од Тетово на 65 години. На Клиниката за инфективни болести и фебрилни состојби почина еден пациент од Тетово, 54 години.
Денеска Институтот за јавно здравје регистрира 17 оздравени пациенти- во Скопје двајца, тројца во Велес и 12 оздравени пациенти во Прилеп.
Досега во земјата се направени вкупно 30.302 тестирања на Ковид -19. Од вкупниот број направени тестови во изминатото деноноќие 312 теста се во рамките на скринингот во градинки и геронтолошки установи.Тестирањата се направени преку Центрите за јавно здравје Прилеп и Скопје, а регистрирани се 3 позитивни случаи во геронтолошка установа во Скопје.
Вкупната бројка на Ковид дијагностицирани во нашата земја од почетокот на епидемијата изнесува 2.315, бројката на оздравени пациенти е 1.569, на починати е 140, а во моментов бројот на активни случаи во земјата изнесува 606.
Последната дистрибуција по градови е следната:
• Скопје – 876, активни 298
• Куманово – 467, активни 55
• Дебар – 51, активни 0
• Штип - 103, активни 68
• Прилеп –212, активни 30
• Тетово – 217, активни 83
• Струга – 84, активни 13
• Велес – 130, активни 27
• Битола –28, активни 3
• Охрид –23, активни 6
• Кавадарци – 5, активни 0
• Гостивар –27, активни 7
• Гевгелија – 4, активни 0
• Струмица – 4, активни 2
• Крива Паланка- 6, активни 0
• Радовиш – 4, активни 0
• Крушево – 3, активни 0
• Кочани – 37, активни 6
• Пробиштип – 2, активни 0
• Кичево – 3, активни 1
• Неготино -12, активни 3 (7 заболени лица од ПЕ Неготино се жители на Демир Капија)
• Демир Хисар – 1, активни 0
• Македонски Брод - 2, активни 0
• Пехчево- 3, активни 0
• Делчево-1, активни 0
• Валандово -2, активни 1
• Виница – 3, активни 1
• Кратово-2, активни 0
• Берово-1, активни 0
• Свети Николе-2, активни 2.
На Клиниката за инфективни болести и фебрилни состојби во изминативе 24 часа примени се 2 пациенти, хоспитализирани се вкупно 45 пациенти. Потешко болни и на кислородна поддршка се 16 пациенти, нема пациенти на механичка вентилација.
Во ГОБ „8-ми Септември“ примени се 5 нови, а вкупно хоспитализирани 30 пациенти. На респираторна машина се 3, a со потешка клиничка слика се 9 пациенти.
Во болницата во Битола се хоспитализирани 5 пациенти, а на домашно лекување се следи 1 пациент. Во болницата во Штип се хоспитализирани 15 пациенти, а на домашно лекување се следат 15 пациенти во стабилна состојба. На инфективните одделенија во Охрид, Велес, Куманово и Прилеп се хоспитализирани 27 пациенти - позитивни и сомнителни на Ковид-19.