МОСТ ќе ги следи изборите со 900 набљудувачи

Граѓанската асоцијација МОСТ ќе ги следи парламентарните избори со близу 900 набљудувачи на 696 гласачки места, избрани спооред случаен и репрезентативен примерок. Ќе бидат распоредени и исто толку набљудувачи со што ќе бидат покриени 20 проценти од вкупниот број на избирачки места на територијата на целата држава.

Како што информира на денешната прес-конференција претседателот на МОСТ, Дарко Алексов, набљудувачите ќе бидат статични и ќе ја следат постапката на гласање во текот на целиот ден. Ќе распоредат и 55 мобилни тимови со по двајца набљудувачи, кои ќе служат како логистичка поддршка на статичните набљудувачи, а ќе покриваат и избирачки места кои не се покриени со статично набљудување. Дополнително 80 ОИК ќе бидат покриени со набљудувачи, како и еден набљудувач во ДИК.

Како и на претходните изборни процеси ГА МОСТ го спрооведува проектот согалсно декларацијата за универзални принципи за непартиско набљудување на изборите од страна на го и  останатите меѓународно призанени стандарди за домашно набљудување на изборите. Жолтите маички со кратки ракави на кои на предната страна стои логото на МОСТ и е испишано Мониторинг 2020, овластуивањата од МОСТ и акредитрациите од ДИК и оваа година ќе бидат препознатлив белег на граѓаните кои ќе бидат дел од нашето набљудувачко смејство. Обележјата и оваа година се разликуваат од оние што важеле претходните години. Набљудувач е оној кој ќе носи маица, овластување и акредитација за изборите за оваа година 2020, рече Алексов.

Со оглед на Ковид пандемијата, Алексов повика на почитувањето на мерките за заштита  и апел до граѓаните да излезат на гласање и да ја исполнат својата граѓанска должност, имајќи предвид дека институциите ги преземаат сите неопходни мерки за гласањето да се спроведе на безбеден начин.