Суспендиран советникот на Чулев, поднесена кривична пријава

Против советникот на министерот за внатрешни работи, Наќе Чулев кој на 15 јули, на денот на изборите беше снимен како му се заканува, пцуе и навредува колега, началник во СВР - Тетово, МВР поднело кривична пријава до Обвинителството за организиран криминал и корупција.

Внатрешната кoнтрола констатирала дека постои основано сомнение дека полицискиот службеник сторил кривично дело насилство и малтретирање при вршење служба, вели заменичката- министерка Славјанка Петровска.

Против државниот советник е поведена постапка за утврдување дисциплинска одговорност и тој до нејзиното завршување е суспендиран од работното место.