Последен ден расправа за Законот за попис- опозицијата бара повлекување, мнозинството консензус
Во Собранието последен ден од расправата за Законот за попис. ВМРО-ДПМНЕ бара повлекување на предлогот, мнозинството консензус. Опозицијата критикува за нетранспарентност и злоупотреба на европското знаменце, а од власта велат- не прифаќаме уцени, ќе има попис во април...
Збор, реплики, контра реплики на партиската говорница. Последни моменти расправа до донесување на Законот за попис. Мнозинството бара консензус. Власта уверува- пописот ќе биде според европските стандарди. Велат - не прифаќаме уцени, ќе има попис во април.
Пратеничката Лидија Тасевска обвинува дека ВМРО-ДПМНЕ го политизира пописот и дека партијата се става на спротивна страна на државните и националните интереси.
ВМРО-ДПМНЕ бара повлекување на предлогот и негова дообработка. Се сомневаат во лажирање на податоците. Опозицијата критикува за нетранспарентност и злоупотреба на европското знаменце.
Според предвиденото, пописот треба да се одржи во април.
Наташа Гркова- Петрушевска