Разрешена судијка за злоупотреби

Судскиот совет на денешната седница разреши судија од Основниот кривичен суд. Официјално не се открива за кого станува збор. Постапката е поведена за нестручно работење и за злоупотреба на Акмис системот за електронска распределба на предмети.

Повеќе медиуми јавија дека станува збор за судијката Татјана Михајлова, која кусо време беше и в.д. претседателка на Кривичнот суд. Таа првично судеше во процесот за настаните пред Општина Центар.