Димитров во работна посета на Загреб
На средбите ќе се разговара за зацврстување на хрватската поддршка за процесот на проширување на Европската унија на Западен Балкан, по вложените напори за време на хрватското претседателство кога Македонија ја доби одлуката за почеток на пристапните преговори.
По Берлин и Љубљана, вицепремиерот за евроинтеграции во работна посета и на Загреб. Димитров ќе биде примен од хрватскиот премиер Андреј Пленковиќ, а ќе се сретне и со министерот за надворешни работи Горан Грлиќ- Радман.
На средбите ќе се разговара за зацврстување на хрватската поддршка за процесот на проширување на Европската унија на Западен Балкан, по вложените напори за време на хрватското претседателство кога Македонија ја доби одлуката за почеток на пристапните преговори.
Ќе бидат разгледани и областите за зајакнување на традиционално блиската билатерална соработка за успешно спроведување на европските реформи и конкретната поддршка на Секретаријатот за европски прашања во таа насока.