Заев: Ромите се нашиот потенцијал

Македонија може да се пофали со искрените намери за интеграција на Ромите во општеството. Тоа го докажува со спомнувањето во Уставот, со стратегиите и акциските планови и со одвојувањето на финансиски средства, вели пратеничката Шиковска.

Годинава за имплементација на стратегијата на Ромите се планирани околу еден милион евра. Македонија, нагласи таа, е лидер меѓу земјите вклучени во декадата на Ромите, во областа на образованието и на многу земји им служиме како пример за јак граѓански сектор и добра координација со државните институции.

Инклузијата на Ромите е неопходна, како за нас самите, така и за државата. Најважна е одлуката за прогласување на 8 април за Интернационален ден на Ромите во чест на првиот Светски конгрес.

На ромската заедница и се подобрени можностите за еднакво учество со преостанатите заедници, а новата стратегија треба да обезбеди и конкретни мерки, вели премиерот Заев. Во фокусот промена на закони, активности и финансиска рамка.

Ромите се нашиот потенцијал, рече премиерот, како во работната сила која треба да се стимулира и расте, така и во делот на отворањето на бизниси, коишто за државата значат и зголемен прилив на даноци во нашиот буџет.

Александра Спировска