ПРИЛЕП

Стабилна настава, подготовка за упис на првачиња

28.04.2021 13:29

Непречено привршува наставата во 10-те прилепски основни училишта. Подготвени се за уписот на првачињата. Педагошките служби ќе помогнат за новината со електронскиот упис. Градот ги снабди и со компјутери и таблети…

Добра, стабилна и непрекината е наставата во 10-те прилепски основни училишта при крајот на учебната година. Од околу 6.500 основци триесетина насто следат настава со физичко присуство, а нивните наставници се вакцинираа.

Училиштата се подготвени да ги запишат првачињата со новината за онлајн пријавување. Прилеп ќе запише преку 600 првачиња. Бројката во градот е на ниво на минатогодишните, а радува што е зголемена во руралните средини. Педагошките служби се подготвени да помогнат.

За онлајн наставата градот набави и достави 240 персонални, 168 лап-топ компјутери и 600 таблети за децата од ранливите категории.

 

Елизабета Митреска