Боите на розите и нивното значење

Розите се едно од најчесто подаруваните цвеќиња, а ги има во најразлични бои. Еве  го значењето на секоја боја:

 

Црвени: Љубов и романса

Црвената роза претставува најуниверзалниот симбол на вистинската љубов. Низ историјата, црвените рози се појавуваат во културите како политички, но и религиозни симболи.

 

 

Жолта: Пријателство, радост, оздравување

 

Низ годините, жолтата боја се поврзувала со сонцето, па за жолтите рози се сметало дека се одличен начин за расположување на луѓето. Тие испраќаат порака за почитување и платонска љубов, не носејќи ги во себе романтичните нишки на розите во друга боја. Жолтата боја претставува радост и задоволство.

 

Розева: Љубов, благодарност, почит

 

Розевата боја се поврзува со грациозност, елегантност, слаткост и поетична романтика. Темно розевите рози симболизираат благодарност и почит и со нив луѓето се заблагодаруваат за нешто. Светло розевите рози се поврзуваат со нежност и восхитување, а се подаруваат со цел да се искаже наклоност и симпатија кон некого.

 

 

Во минатото, белите рози означувале вистинска љубов и биле она што за нас денес се црвените рози. Белите рози се познати и како невестински рози и се традиционални свадбени цвеќиња. Тие се поврзуваат со чесност и  восхит и со чистотата на новата љубов.

 

Портокалова: Копнеж, ентузијазам и страст

 

Како мешавина од жолтите и црвените, портокаловите рози се некаде помеѓу пријателството кое се изразува со жолтите и љубовта која ја симболизираат црвените рози. Со портокаловите рози се изразува фасцинираност, едноставно и кажувате на личноста дека се гордеете со неа.

 

 

Виолетовата боја се поврзува со кралските семејства. Според тоа,  виолетовите рози означуваат дека оној кој ги подарува ве доживува на посебен начин, ве издигнува на пиедестал и ве смета за брилијантна личност.