СЕРТИФИКАТ ПО АНГЛИСКИ ЈАЗИК

Битола го има единствениот овластен центар на балканот на „И ЕС БИ“ мрежата

08.05.2021 11:30

Битола го има единствениот овластен центар на балканот на „И ЕС БИ“ мрежата на обединетото кралство за меѓународни сертификати по англиски јазик …

Веќе втора година битолски центар за англиски јазик е единствениот овластен претставник на „И ЕС БИ“ мрежата на Обединетото Кралство за добивање на меѓународни сертификати за беспрекорно владеење на англискиот јазик. Тежината на овие сертификати е во тоа што немаат трајна вредност и се алатка која е посебна вредна на домашниот странскиот пазар на трудот и евентуалното дошколување во странство.

Многумина можат да речат дека имаат познавање од англискиот јазик но само оние кои тоа го докажуваат преку стекнат престижен меѓународен сертификат можат да кажат дека и официјално одлично го говорат, пишуваат, читаат јазикот што најповеќе се употребува во деловниот свет. Никола Наумовски е еден од десетината кој може да се пофали дека го стекнал „И ЕС БИ“ сертификатот преку битолски центар за англиски јазик кој веќе втора година е единствен застапник на балканот на оваа мрежа.

Од битолското овластено претставништво велат дека бројката на мал број сертификати се должи на пандемијата но и строгите критериуми кој мора да се почитуваат за да се добие документот кој отвора многу меѓународни врати.

Беспрекорно владеење на англискиот јазик од поодамна станува водечки тренд и на домашниот пазар на трудот вели Милевска.

Од претходната сесија веќе е воведен и дигитален сертификат со безбедносен код. Стекнатата доверба им овозможи деновиве да го добијат и договорот за отворање на овластено претставништво и во соседна Србија. Милевска вели дека за воведување на оваа програма има интерес и од домашните приватни високонаучни институции а во перспектива добредојдени би биле тренинг центри и во средните училишта.

Стевче Митревски