Загреб

Пендаровски ќе се обрати на деловна средба на македонски и хрватски стопанственици

01.07.2021 09:09

Со учеството на деловната средба, Пендаровски ја заокружува дводневната посета на Хрватска...

Можностите за зголемување на меѓусебните инвестиции и за интензивирање на економската соработка, ќе бидат во фукусот на денешната билатерална деловна средба во Загреб на македонски и хрватски стопанственици, на вториот ден од официјалната посета на Хрватска на претседателот Стево Пендаровски.

Во македонската бизнис делегација се стопанственици од Сојузот на стопански комори, а на средбата,  организирана со Хрватската трговска комора, ќе се обрати и претседателот Пенадровски.

Хрватска е наш 21-ви трговски партнер за периодот јануари-април 2021 година, а 20-ти во 2020 година, кога размената достигна 199 милиони долари,  што е раст од 12,54 проценти во однос на претходната 2019 година, но со трговски дефицит од 13,2 милиони долари.

Со учеството на деловната средба, Пендаровски ја заокружува дводневната посета на Хрватска. Тој вчера имаше средби со неговиот домаќин, претседателот Зоран Милановиќ, како и со премиерот Андреј Пленковиќ и претседателот на Саборот, Гордан Јандроковиќ.