Подготвителна седница на РКЕ за новата цена на струјата

Регулаторната комисија за енергетика и водни услуги (РКЕ) денеска на подготвителна седница пред енергетските компании ќе ги презентира механизмите кои ќе ги активира при носење на новата одлука за цената на електрична енергија.

Најдоцна до петок РКЕ треба да ја донесе одлуката за цената на струјата за корисниците на регуларниот пазар што ќе важи во првите шест месеци од наредната година. Сите енергетски компании веќе побараа зголемување на цената на електричната енергија.