Макрон: Денес избравте хуманистички, амбициозен проект за независност на нашата земја

Реизборот на претседателот во заминување, во недела на 24 април, со 58,54 отсто од гласовите, против Марин Ле Пен, се должи помалку на ветувањата дадени во 2017 година отколку на потрагата по стабилност и отфрлањето на екстремната десница. Марин Ле Пен, екстремно десничарската кандидатка освои вкупно 41,46 отсто од гласовите.

Подвиг без радост. Со нанесувањето на вториот пораз на Марин Ле Пен, Емануел Макрон излезе како победник од изборите во неделата, со 58,54% од гласовите наспроти 41,46%. Околу три милиони гласови или 8,6 отсто беа со празно или неважечко гласачко ливче.

Очигледно е дека во Франција крајната десница се наоѓа пред портите на власта, што ги мобилизира французите.

Поразената Марин Ле Пен го поздрави „и покрај двонеделните нефер, насилни методи“, фактот што идеите што ги претставува достигнуваат нови височини во изборната ноќ, со повеќе од 41% од гласовите, резултатот сам по себе претставува убедлива победа.

„Се плашам дека петгодишниот мандат што се отвора нема да се скрши со бруталните методи на претходниот, за да се избегне монополизација на моќта од некои, повеќе од кога било ќе ја продолжам мојата посветеност на Франција и Французите со енергијата, истрајноста и наклонетоста што ме познавате“.

Победникот, Емануел Макрон, пропратен со Европската химна „Одата на радоста“, пристигна под Ајфеловата кула, придружуван од неговата сопруга Брижит и деца, како симбол на неговата програма за новиот петгодишен мандат кој сака да го стави под знакот на децата.

„Знам и дека многу сонародници гласаа за мене, не за да ги поддржат идеите кои ги носам, туку да ги попречат идеите на крајната десница. Сакам да им се заблагодарам и да им кажам дека сум свесен дека овој глас ме врзува за годините што доаѓаат. Јас сум чувар на нивната приврзаност кон Републиката“, призна тој.

„Денес избравте хуманистички, амбициозен проект за независност на нашата земја, за Европа“, додаде Емануел Макрон.

„Европски проект, социјален, еколошки, заснован на работа и создавање, проект за ослободување на нашите академски сили. Сакам да го носам овој проект со сила во годините што доаѓаат со тоа што ќе бидам складиште на поделбите што се изразени и разликите и со тоа што ќе осигурувам почит за сите секој ден и ќе продолжам да работам за поправедно општество и еднаквост меѓу жените и мажите“, додаде тој поздравен со аплаузи.

Макрон може да дише, секако не да триумфира, и покрај танцовите чекори што неговите министри ги скицираа во подножјето на Ајфеловата кула кога се објавуваа резултатите.

Од синоќа започна и третиот круг на претседателските избори, со почетокот на кампањата за парламентарните избори закажани за во јуни, со најава за рекомпонирање на францускиот политички пејсаж.

Тони Гламчевски