Се шири пожарот во југозападна Франција

Пожарот во југозападниот дел на Франција се прошири до долината на реката Ардеш. Зафатени се 750 хектари.

Локалното население е евакуирано, соопштија властите. Утринава, евакуирани се две фабрики во градот Лавилди, како и прифатилиште за животни и кампови. 450 пожарникари се ангажирани во гаснењето на пожарот и евакуацијата на загрозените.

Според властите пожарот најверојатно е подметнат.

Претходно овој месец, шумските пожари изгореа повеќе од 20.000 хектари во југозападна Франција.