Груевски на Самит на премиери на Југоисточна Европа

Македонска делегација предводена од претседателот на Владата Никола Груевски,  министерот за надворешни работи, Никола Поповски и министерот за транспорт и врски, Миле Јанакиескиe е во дводневна  работна посета на Букурешт, Република Романија.  Главниот настан во Букурешт е Самитот на шефовите на влади на Народна Република Кина и земјите од Централна и Источна Европа каде македонскиот премиер ќе ја претстави инвестициската клима во земјава. Кина веќе намени 10 милијадри евра поволни инвестициски кредити за земјите на Југоисточна Европа. На Самитот е најавено присуството на 17 премиери, меѓу кои и кинескиот  Ли Кечијанг. Денеска Груевски има средба со романскиот премиер Виктор Понта, а потоа ќе оствари и одвоени средби со повеќе стопанственици од сферата на автомобилската индустрија, градежништвото и туризмот, како и средба со повеќе претставници на македонските иселеници во Република Романија.