Масовно пукање во градинка во Тајланд, повеќе од 30 убиени

Над 30 убиени на Тајланд. Вооружен маж отворил оган во градинка во североисточниот дел на земјата, во градот Нонг-Буа Ламфу. Загинале повеќе од 20 деца, некои на возраст од едвај две години, учители, полицаец.

Напаѓачот си го одзел животот, а според извештаите на медиумите, тој за време на крвавиот пир користел пиштол и нож.

Меѓу жртвите се и неговата сопруга и децата. Човекот кој го извршил масакрот е идентификуван како 34-годишниот Пања Камраб, поранешен полицаец кој лани добил отказ поради вмешаност во трговија со мета-амфетамини.