Градовите во Масачусетс под вода

Градовите во Масачусетс останаа под вода, откако историските поплави зафатија голем дел од североисточниот дел на САД.

Државите Њујорк, Њу Џерси, Конектикат, Пенсилванија, Масачусетс и Вермонт беа зафатени од пороен дожд што ги блокираше мостовите и патиштата.

Гувернерот на Вермонт проценува дека илјадници жители ги загубиле домовите и бизнисите. Американскиот претседател кој присуствува на самитот на НАТО во Литванија, прогласи вонредна состојба во сојузната држава.