Американскиот претседател Доналд Трамп во првото патување откако е на функцијата ги посети областите погодени од шумските пожари и ја потврди поддршката за Калифорнија.
Во опустошениот Лос Анџелес од пожарот се состана со пожарникарите и со градоначалничката.
Илјадници Словаци излегоа на нов протест против политиката на владата на премиерот Фицо.
Серија протести наречени „Словачка е Европа“ беше организирана од граѓанската иницијатива „Мир за Украина“. Фицо ги обвини демонстрантите за обид за државен удар.
Рускиот претседател вели е отворен за разговори со американскиот колега Трамп, за економијата и енергијата, но прашањето за преговорите со Украина е комплицирано по одлуката на Зеленски во 2022 година да ги исклучи преговорите со Москва.
Неколку основни и средни училишта, како и градинки, во Бања Лука и други градови денеска добија пораки за поставени експлозивни направи, а полицијата е на терен и ги проверува дојавите.
Средношколец во Нивегеин, Холандија, оваа недела починал додека учествувал во опасен предизвик – игра со гушење, а нема индиции дека е сторено кривично дело, соопшти денеска полицијата во тој град. Во соопштението се наведува дека се работи за „трагичен инцидент“.
САД ќе се повлечат од Светската здравствена организација (СЗО) на 22 јануари 2026 година, соопштија Обединетите нации откако беа официјално известени за одлуката од претседателот Доналд Трамп.
Првпат по шест децении, новиот шеф на Белата куќа Трамп реши да потпише наредба за отворање на сите тајни владини документи поврзани со атентатите на поранешниот претседател Џон Кенеди, сенаторот Роберт Кенеди и борецот за граѓански права Мартин Лутер Кинг Џуниор.
Аеродромот во Истанбул ја задржа својата позиција на најпрометниот воздушен центар во Европа трета година по ред, со 1.401 лет дневно во просек во 2024 година, според податоците на Еуроконтрол објавени денеска.
На генерален штрајк денеска повикаа студентите и средношколците што се во повеќемесечни блокади и штрајк поради трагедијата во Нови Сад и транспарентноста поврзана со оваа трагедија, криминалот и корупцијата.
Пакистанецот кој во септември 2020 година се обиде да убие две лица пред поранешната редакција на францускиот сатиричен весник „Шарли Ебдо“ денеска е осуден на 30 години затвор, соопшти судот во Париз.
