Популистичкиот поранешен премиер кој водеше проруска и антиамериканска кампања, Роберт Фицо го победи својот прогресивен ривал на парламентарните избори.
Фицо вети дека ќе ја прекине воената помош за Украина. За да ја формира следната влада, тој ќе мора да ги придобие сојузниците.
Тројцата Срби, кои беа убиени за време на конфликтот со припадниците на косовската полиција на 24-ти септември во Бањска, денеска ќе бидат погребани.
Во меѓувреме, Лондон повика на дијалог меѓу Белград и Приштина, и деескалација од сите страни.
Климатските промени го покажуваат своето вистинско лице. Елементарните непогоди со силни бури, поројни дождови и големи поплави стануваат секојдневие.
Уште една непроспиена ноќ за жителите од југоистокот на Романија. Руско беспилотно летало заврши во постројките за жито во близина до градот Галати. Властите ја зголемуваат одбраната близу до границата со Украина, стравувајќи од ширење на конфликтот.
Во Њујорк е прогласена вонредна состојба откако голем дел од областа беше поплавена поради невремето и обилните врнежи.
Затворено е метрото и еден терминал на аеродромот Лагвардија, а поголем број од патиштата се под вода.
Парламентарни избори во Словачка-клучен тест, што може да ја стави земјата на нов курс далеку од Киев и кон Москва, заканувајќи се да го наруши кревкото единство во Европската унија и НАТО.
Медитеранските земји од ЕУ на самитот во Малта повикаа на обединет одговор на миграциската криза. Домаќинот на самитот, малтешкиот премиер Роберт Абела, оцени дека прашањето за мигрантите мора да се реши во корен, со цврсти и глобални партнерства со сите партнери во јужниот дел на Медитеранот.
Силите на Киев тврдат дека руската армија извршила напади на западот од Украина. Противвоздушната одбрана на Русија, пак тврди дека соборила 9 украински ракети над Белгород. Борби се водат на повеќе фронтови.
Британското министерство за одбрана ја префрли командата на армискиот баталјон на НАТО за да може да обезбеди поддршка на Косово доколку е потребно.
Преку писмо прочитано од неговиот адвокат, поранешниот потпретседател на Српската листа, Милан Радојчиќ, ја презеде одговорноста за настаните во селото Бањска на северот на Косово.
