Вкупните депозити во банкарскиот систем во март пораснаа за 11,3%, додека кредитите се зголемија за 13,1% на годишно ниво, покажуваат податоците на Народната банка.
Растот на депозитите е поттикнат од домаќинствата и компаниите, со поголем придонес од граѓаните.
Владата ќе ги ограничи маржите на вештачките ѓубрива. Целта е да се спречи растот на цените, да се помогне на земјоделците и да се стабилизира пазарот.
Авионските билети поскапуваат од 30 до 90 евра, поради зголемувањето на цената на горивото, односно керозинот. Како што соопшти Европската федерација за транспорт, најголемо поскапување авиокомпаниите најавуваат на летовите кон далечни дестинации.
Европската унија го вклучи алармот за можен недостиг од гориво поради кризата на Блискиот Исток. Ако ситуацијата не се стабилизира, ќе се наруши авиосообраќајот ова лето.
По нарушувањата на глобалното снабдување со нафта се зголемија цените на авионските билети, но сè поголем број и на откажани летови кон одредени дестинации.
Висока делегација од Република Казахстан, предводена од министерот за трговија и интеграција, Арман Шакалиев, денес оствари официјална посета на ТИРЗ Скопје, при што беше посетена и фабриката Џонсон Мети.
Гувернерот на Народната банка, д-р Трајко Славески, и заменик-претседателката на Светската банка, Антонела Басани, потпишаа договор за техничка и експертска поддршка за воведување систем за инстант плаќања во земјата, се наведува во соопштението од Народната банка.
Бензините и дизелот поевтинуваат за еден и пол денар, екстра лесното масло за горење за половина, екстра лесното масло за домаќинство на (ЕЛ-1) поскапува за 0,50 ден/лит, а мазутот се намалува за 2,939 ден/кг од ноќеска по полноќ, според најновата одлука на Регулаторната комисија за енергетика.
Македонија и Казахстан ќе ја засилуваат економската соработка и трговската размена. На бизнис форумот во Скопје, потпишани два значајни документи, за формирање на македонско-казахстански бизнис совет, како и меморандум за промоција на трговијата и економската соработка.
Вредноста на синдикалната минимална кошница за април годинава изнесува 68.797 денари и во однос на мартовската која изнесуваше 67.818 денари е зголемена за 979 денари, соопшти денеска Сојузот на синдикатите на Македонија (ССМ).
