Расте бројот на бебиња. Во јули, август и септември на свет дошле повеќе во споредба со истиот период лани, информираат од Државниот завод за статистика. Чаир, Гостивар, Тетово со највисок наталитет. Потфрлија Карпош, Кисела Вода, Берово и Крива Паланка.
Голем број родители ги носат децата и болни во градинка, бидејќи нема кој да ги чува. Затоа таму бактериите и вирусите најмногу се шират. За побрзо да оздрават, дел од родителите признаваат дека и без препорака од лекар им даваат антибиотици на децата.
Со аргументи за и против државниот испит во високото образование отворена седницата на пратеничките прашања. Според Грчева не е кооректно цената на погрешната високообразовна политика да ја платат студентите.
По средбата на ОПЕК цените на нафтата се во слободен пад. Министрите од 12-те земји членки не постигнаа договор да ја намалат испораката. По објавата, Брент нафтата падна под 72 долари за барел.
Гувернерот на Мисури наводно го отфрлил барањето за ново судење против белиот полицаец кој уби невооружени црномурест тинејџер. Семејството на Мајкл Браун изрази разочараност пред камерите.
Општ штрајк ја парализира Грција – затворени училишта, болници, аеродроми и градскиот сообраќај. Синдикатите протестираат против владините реформи, отпуштањата и пензиската реформа што ги бара меѓународната тројка кредитори.
Во дводневната дебата посебно беше истакнат фактот дека Европската комисија препорача почеток на преговите за Република Македонија, но и дека констатирала назадување во некои од процесите.
Нова германска инвестиција влегува во Охридско струшкиот регион. Станува збор за компанија за автомобилски делови која ќе донесе нови вработувања објави премиерот Никола Груевски. Името на фирмата засега се држи во тајност.
Едни пристигнуваат, други заминуваат. Во автобуси со различна дестинација.
-Од каде сте? - „Од Истанбул“, ни одговори едно младо момче.
-Каде одите? - „Во Куманово.“
