Сопствениците на рибници може да поднесуваат барање за субвенционирање на производството.
Повикот се однесува за набавка на порибителен материјал од домашно производство и за произведена и продадена риба на пазарот во периодот од 1-ви ноември 2016-та до 31-ви октомври 2017-та година.
Владата го усвои дополнетиот предлог на буџетот за 2018-та година со прифатените амандани од комисиската расправа во Собранието.
Во скопскиот Кривичен суд, закажано рочиште за предметот „Транспортер“, што го отвори Специјалното јавно обвинителство. Првообвинет е поранешниот градоначалник на Битола и уште 20 други лица.
Во судот во Солун треба да се одржи рочиште за барањето од македонските власти за екстрадиција на поранешните началници во Управата за безбедност и контраразузнавање, Горан Грујевски и Никола Бошкоски. Тие се обвинети во случајот „Таргет- Тврдина“. Двајцата се во притвор во близина на Солун.
Намалена видливост од 100 до 150 метри поради магла има на патните правци Катланово-Велес, Удово-Гевгелија, Македонска Каменица-Делчево-Берово и Струмица, информира Автомото сојузот на Македонија (АМСМ) во утринскиот извештај за состојбата на патиштата.
Членовите на Комисијата за европски прашања, во отсуство на опозицијата, треба да ја одржат амандманската расправа за Предлог-законот за употреба на јазиците.
Вештакот побарал, но не му дозволиле да направи увид во двете дробилици во сопственост на конзорциумот којшто добил тендер за ископ на јаглен и јаловина во Суводол.
Кривичниот совет при Основниот суд Скопје 1 донесе решение со кое ги одби жалбите за определување притвор за пратениците Љупчо Димовски и Сашо Василевски и ги потврди решенијата на судијата на претходна постапка.
Агенцијата за храна и ветеринарство (АХВ) доби известување од компанијата увозник на производите од француски „Лакталис” дека од македонскиот пазар превентивно е повлечен производот храна за доeнчиња - Целија Експерт 2, со сериски број 17Ц0012838.
Се редат оставки во Државната изборна комисија. По претседателот Александар Чичаковски и членовите Виолета Дума и Игор Милев, од функцијата се повлекоа и потпретседателот Реџеп Прекопуца, Субхи Јакупи, Атанас Урумов, Силвана Бонева и Сашо Срцев.
