Најмалку осум лица загинаа, а 11 се повредени во земјотрес од 5,5 рихтери во Кина. Предизвикана е и материјална штета на неколку објекти.
Потресот се случил на длабочина од осум километри во Синцуан-Ујгурскиот автономен регион во северозападниот дел на земјата.
Почна расадувањето на тутунот по нивите. Од априлските ниски темератури настрада расадот поради што тутунарите велат дека ќе го нема доволно и некои од нив повторно се обидуваат да направат нов.
Земјава го доби првиот изложбен центар посветен на електричната енергија. ЕВН Македонија го искористи просторот на старата електроцентрала „Матка“ и го пренамени во постојан изложбен простор во кој е прикажан развојот на користењето на електричната енергија во светот и кај нас.
Десетина минути по полноќ на 9-ти мај заврши Првата полуфинална вечер на 62- то издание на наголемиот музички спектакл на планетава, Изборот за песна на Евровизија 2017.
Полицијата приведе татко и син, осомничени за нападот врз пратеникот Зијадин Села. По претресот во нивниот дом, била пронајдена и одземена како доказен материјал облеката која осомничените ја носеле за време на настаните во Собранието, информираат од МВР.
Иванов го добил писмото на Џафери.
Уставните судии не поведоа постапка за оценување на уставноста на иницијативите на Министерството за локална самоуправа, за продолжување на мандатот на градоначалниците.
Министерството за финансии ја чека одлуката на Уставниот суд за да ги исплати субвенциите на земјоделците. Од Министерството за финансии истакнуваат дека не ја добиле одлуката, но оти буџетот е ликвиден и има средства во државната каса.
СДС нелегално го избра Талат Џафери на позицијата претседател на Собранието и покажа дека е подготвен да ги погази Уставот и волјата на народот, велат од ВМРО-ДПМНЕ. Како што рече Илиоски, нема бегање од казната за антидржавното и деструктивно однесување на СДС.
Малите и средни претпријатија се соочуваат со проблеми при спроведувањето на законските прописи- причина недоволната информираност и капацитет. Ова го покажала анализата на проектот „Партнерство за подобра бизнис регулатива“.
