Во Собранието денеска ќе заседаваат Комисијата за политички систем и односи меѓу заедниците и Законодавно-правната комисија.
На дневен ред на двете собраниски тела е Предлог-законот за дополнување на Законот за државните награди, кој ќе се разгледува во прво читање.
Премиерот Христијан Мицкоски денеска ќе присуствува на свеченото пуштање во употреба на новата детска градинка во Општина Теарце. На отворањето ќе присуствуваат евроамбасадорот Михалис Рокас и градоначалникот на Општина Теарце, Даут Мемиши.
Претседателот на Собранието, Африм Гаши, денеска ќе се сретне со поранешни претседатели на законодавниот дом.
Поранешни собраниски спикери ќе го посетат Собранието, а средбата ќе се одржи во 13 часот во Охриската сала.
Сообраќајот на државните патишта се одвива непречено, по суви коловози, информира АМСМ. Интензитетот на сообраќај на патните правци надвор од градските средини е умерен.
На граничните премини од македонска страна нема подолги задржувања за влез и излез од државата.
Времето денеска ќе биде ведро и студено наутро, а во текот на денот сончево и релативно топло. Ќе дува слаб ветер од променлив правец.
Минималната температура ќе биде во интервал од -3 до 6 степени, додека максималната ќе достигне од 22 до 29 степени.
Прилепчанецот Илија Стеваноски е пациент на онкологија. Навреме се обратил и вели, нема срам за машкото здравје.
Помладите велат дека се преокупирани со други проблеми.
„Објави криминал во неговите редови, па го снема.“ ВМРО-ДПМНЕ на прес-конференција го повика лидерот на опозицијата, Венко Филипче, да ги достави до Обвинителството сите докази со кои ќе се потврди дека Славјанка Петровска, како министерка за одбрана, направила криминал.
Со света утринска литургија и присуство на македонските владици, во Соборниот храм „Свети Климент Охридски“ одбележан празникот на сите македонски светители, но и одбележување на 40 години од епископската служба на поглаварот на МПЦ - Охридска архиепископија г.г. Стефан.
„Крилјата различни. Борбата лична. Поддршката заедничка“, а тие сплотени и покрај целата голгота и стрес со откривањето на дијагнозата храбро продолжуваат напред. Жените кои ја добиле најстрашната дијагноза со порака: него одложувајте прегледот, канцерот нема симптоми.
Со приближување на грејната сезона, расте бројот на повици до оџачарите. Во Куманово, дел од домаќинствата се уште се греат на дрва. Дино, еден од ретките оџачари од североистокот посочува побарувачката во моментов е голема, а мал бројот на овие занаетчии.
