Паника и страв утрово околу 6 часот, доживеале станарите на нова станбена зграда во Kисела Vода, откако избувнал пожар пред влезот на објектот.
Се запалил орман на ЕВН, при што гореле електрични кабли и броила, информираат од Републичкиот центар за управување со кризи.
Во Собранието ќе заседава Комисијата за одбрана и безбедност на која ќе се одржи Јавна расправа по Предлог на законот за оружјето.
Министерот за надворешни работи и надворешна трговија Тимчо Муцунски во Истанбул учествува на бизнис форумот Северна Македонија – Турција, организиран од владите на двете земји.
Сообраќајот на државните патишта се одвива непречено, по влажни коловози, информира АМСМ. Интензитетот на сообраќај на патните правци надвор од градските средини е умерен.
На граничните премини, од македонска страна, нема подолги задржувања за влез и излез од државата.
Денеска времето ќе биде променливо облачно и посвежо со повремени врнежи од дожд, локално проследени со грмежи. Наместа ќе биде нестабилно со пороен дожд, грмежи, засилен ветер и услови за ретка појава на град.
Првиот заменик-претседател на Владата и министер за европски прашања, Беким Сали, денеска ја отвори четвртата седница на Заедничкиот мониторинг комитет за ИПА III, организирана во соработка со Европската комисија и Делегацијата на Европската Унија во Република Северна Македонија.
Македонски државјанин е фатен при обид за криумчарење десет преносни компјутери од марката DELL во вредност од речиси 13 илјади евра при влез во државата на граничниот премин Богородица.
Од подобрување на хигиенските услови и создавање пристојни услови за пациентите, до изградба на нов Клинички центар, дефицит на кадар, телемедицина, регионализација се дел од предизвиците со кои се соочува Здравството.
Проблемите во Скопје се решаваат. Подобрена е хигиената, а со доаѓањето на новите камиони за смет и два собирни центри во Скопје ќе биде подобра. Подготвено ќе ја дочекаме сезоната на пожари, со нови пожарникари и опрема, вели првиот човек на градот.
