Сончевото и топло време во Македонија продолжува и утре. Попладне на места ќе биде нестабилно со локален пороен дожд и појава на грмежи.
Максималната температура ќе достигне до 32 степена. Дали наскоро може да очекуваме период на стабилно време без врнежи?
Промени во проектот „Мој термин“ најавува ресорниот министер Таравари. Најуспешните докторите ќе бидат наградувани, казни нема да има. Наградите, според него, ќе се обезбедат од парите од вторите директори на клиниките, за кои како што рече, тие места треба да бидат укинати.
Кривичниот суд го одби барањето на сјо за забрана за замрзнување на имот во сопственост на помошник министер за јавни набавки во МВР, кој е осомничен во истрагата за случајот „Триста“.
Деструкцијата и омразата се двете најсилни особини на СДС, но македонските граѓани немаат никаква полза од нив, стои во денешното соопштение на ВМРО-ДПМНЕ. Велат, СДС даде ветувања кои не може да се остварат само со интриги, манипулации и лажни обвинувања кон ВМРО-ДПМНЕ.
Попладне прва седница на македонската Влада, меѓу другото распределување на ресорите и портфолијата на министрите без ресори.
Поројни врнежи, грмотевици, град. Веќе никој не е рамнодушен на невремето кои деновиве се појавува во попладневните часови. Најзасегнати се секако оние кои очекуваат род од посевите. Круме е жител на Илинден. Нему минатогодишните поплави му причиниле огромна штета.
Иако тероризмот сам по себе не е толку моќен, како феномен е доволно способен да ги искористи сите слабости во безбедносните системи на државите.
Комисиите за проценка на направените штети од пролетните ниски температури кај овошките во Преспанскиот регион ги разгледале сите 2.650 барања од земјоделците и за секое од нив е изготвен поединечен записник. Според проценката на Комисиите, штетите во овој регионот се од 80 до 100 проценти.
Машинскиот персонал во Македонски железници- Транспорт од седум часот изутрина не ги извршува работните обврски во знак на протест од доцнењето на исплатата на платата и нејзино селективно зголемување на дел од вработените, изјави Душко Чакаровски, претставник на машинскиот персонал.
Истече рокот од 18 месеци, во кој Специјалното јавно обвинителство можеше да поднесе обвиненија за 34-те предмети што ги презеде од јавното обвинителство. Најголемиот дел од нив се однесуваа на изборни нерегуларности.
