Се отвора Руска библиотека на универзитетот „Свети Кирил и Методиј“ во Скопје. Извршниот директор на Рускиот фонд Владимир Кочин ќе подари 1.100 книги на високообразовната установа.
Библиотеката ќе биде отворена за читателите во рамките на Рускиот центар при Универзитетот.
Претседателот на Република Македонија Ѓорге Иванов е во дводневна работна посета на Република Турција каде што ќе учествува на Евроазискиот економски самит на тема „Човештвото на крстопат“.
Министерот за надворешни работи Никола Попоски денеска во Стразбур ќе учествува на состанокот на делегацијата на Европскиот парламент во Мешовитиот парламентарен комитет Македонија – Европска Унија.
Во Собранието на Република Македонија денеска ќе продолжи конститутивната седница на која се дебатира за избор на претседател, заменик на претседателот, членови и нивни заменици на Комисијата за прашања на изборите и именувањата.
Државниот санитарен и здравствен инспекторат до Јавното обвинителство поднесе пријава за поднесување кривична постапка за неодамнешното труење во тетовската фабрика „Леар“.
Или мандат за Зоран Заев или меѓуетнички тензии и „блокада“ на и така блокираната интеграција на Македонија во Европската Унија. Вака грчките медиуми ги толкуваат пораките од посетата на претседателот на Европскиот Совет, Доналд Туск на Македонија.
Постојното Јавно обвинителство потфрли во борбата со високата корупција што придонесе за создавање на Специјалното обвинителство, велат од Институтот за демократија „Социетас Цивилис“. На Специјалното обвинителство ќе му треба време во разбивањето на корупцијата.
Намалување на ризиците во домувањето, здравството, туризмот, транспортот се неколку од секторите во кои што ќе бидат преземени мерки со цел ублажување на влијанието на климатските прмени. Ова го предвидува новата петгодишна стратегија за климатските промени насловена „Отпорно Скопје“.
САД го признава македонскиот идентитет и го користи уставното име на земјата. Вака американскиот амбасадор Бејли ја коментираше актуелната политичка состојба во земјава, но и релациите со некои од соседите.
Утре во Македонија се очекува променливо облачно време со повремени локални врнежи од дожд особено во попладневните часови.
На места се можни услови за појава на ретки грмежи. Ќе дува слаб до умерен ветер од јужен правец.
