За време на викендот во Македонија ќе преовладува сончево стабилно и тивко време со слаб ветер од северен и североисточен правец.
Од понеделник продолжува периодот на сончево и потопло време со пораст на температурите.
Гледајте МЕТЕО со Наташа Алексоска
Пратениците во Собранието ги застапуваат личните и интересите на нивните политички партии, сметаат две третини од анкетирните граѓани во истражувањето на Институтот за демократија. 53 насто од испитаниците се на став дека пратениците само понекогаш работат во интерес на граѓаните.
„Епидемиолошката слика е стабилна - имало цревни и респраторни заболувања“- вели директорот на Инфективната клиника, Ѕвонко Миленковиќ. Сепак, предупредува дека ризикот за заразни болести не поминал. По инкубацискиот период, можно е да се појават во четвртата недела.
Утре од 23 до 2 часот по полноќ ќе се спроведе вонредна дезинсекција против комарци во подрачјето што беше зафатено со поплавата на 6-ти овој месец.
Градот Скопје ќе ја изврши теренската дезинсекција по барање од Министерството за здравство, а по претходно донесен заклучок од владата.
Татковинската прослава „Денови на Света Мајка Тереза“, ќе се одржи во Скопје од 4-ти до 11-ти септември. Денеска се одбележуваат и 106 години од нејзиното раѓање.
Од Државниот инспекторат за земјоделство се подигнати мостри за испитување на квалитетот на производите од поплавените подрачја. Се очекуваат резултатите. Од инспекторатот и натаму со апел да не се продаваат земјоделските производи од овие региони, ниту да се откупуваат.
Државниот инспекторат за земјоделство открил повеќегодишна злоупотреба на државно земјиште од неколку правни субјекти во Штипско- карбинскиот регион. Бесправно биле користени над 960 хектари. Следуваат прекршочни пријави.
Бесплатни геодетски елаборати за лицата од поплавените подрачја кои поднеле барање за легализација на куќите. Државниот Катастар ги повикува граѓаните да се пријават во инфо- центарот со бројот на поднесеното барање, или директно на шалтерите ако го немаат документот.
Дваесет и пет припадници на полицијата на Словачка на 29-ти овој месец ќе пристигнат во Македонија за да спроведуваат заеднички патролни активности со македонските колеги на државната граница со Грција, информира денеска Амбасадата на Република Словачка во Скопје.
Од Црвениот крст на Република Македонија денеска оствариле контакт со италијанскиот Црвен крст и во името на волонтерите и вработените било изразено сочувство со семејствата кои ги изгубија своите најблиски во катастрофалниот земјотрес кој ја погоди централна Италија.
