Утре во Македонија се очекува променливо облачно време со сончеви периоди и услови за краткотраен слаб локален дожд во западните делови на планинските предели.
Ќе дува слаб ветер од јужен правец. Од среда се очекува сончево и потопло време со дневни температури над 20 степени.
Македонските специјалци се пробраа со американските колеги. Реализираа заедничка тактичка вежба со специјалната оперативна команда на САД во Европа, како дел од обуката за македонските безбедносни сили.
Собранието ја донесе одлуката за продолжување на кризната ситуација на дел од јужната и северната граница до 3-ви декември годинава. Продолжува ангажманот на Армијата како асистенција на полицијата, која се грижи за безбедноста. ДУИ гласаше против.
„Тортура“ е новиот предмет кој го отвора Специјалното обвинителство. Се однесува на начинот на апсењето на Љубе Бошкоски во 2011-та, ден по парламентарните изборите. Седуммина се осомничени за кривично дело мачење и друго сурово, нечовечко или понижувачко постапување и казнување.
Се зголемува бројот на граѓани кои се жалат кај Народниот правобранител. Лани повеќе од 4.000 поднеле претставка, бидејќи сметале дека се прекршени нивните слободи и права.
Стартуваше теренската проверка на околу 89.383 спорни записи во избирачиот список. Анкетарите од изутрината се на терен. Се очекува теренската проверка да заврши за десетина дена.
Специјалното јавно обвинителство отвора нова истрага „Тортура“ за апсењето на екс министерот за внатрешни Љубе Бошкоски.
Во Србија пред 70 години околу 60.000 македонци колонисти организирано беа доселени во Војводина. Тие и нивните наследници и ден денес живеат најмногу во околината на Панчево.
На телефонската линија „Ало докторе“ минатата една недела совет поварале 1.218 граѓани.
Од кога започна да работи телефонската линија 02/15 123 од септември 2014 до вчера имало вкупно 84.109 повици.
Во Германија ќе се испитува дали бебето од Дојран што пред две ипол недели било примено на Детската клиника во Скопје има вирус на Зика. Резултатите од проверките треба да бидат готови за 10-ина дена.
