Утре во Македонија ќе преовладува променливо облачно време со сончеви периоди и со повремени послаби локални врнежи од дожд особено во јужните и источните делови од земјава.
Температурите ќе бидат во пораст во однос на денешните, а врнежите ќе престанат кон крајот на денот.
Охрид ќе биде домаќин на 19-тата конференција на началниците на генералштабовите на армиите од земјите членки на Јадранската група, што ќе се одржи од 16-ти до 18-ти месецов.
Наскоро споровите меѓу работодавачите и вработените ќе се решаваат со арбитража надвор од судовите. Со 90 арбитри ќе се достигнуваат ирските искуства кадешто 85 насто од споровите се решени со договор, а не на суд.
Исполнувањето на европските стандарди во областа на правдата и внатрешните работи, почитувањето на основните права и слободи се постулати врз кои се темели полициското работење, вели ресорниот министер Митко Чавков.
Целосна имплементација на договорот од 2-ти јуни и 15-ти јули. Специјален јавен обвинител мора да се избере, став на евроамбасадорот Аиво Орав.
Пазарите преполни, дилемата сѐ поголема, дали и колку да се подготвува традиционалната зимница?! Градинарските култури неопходни за подготвување зимница секоја година се поскапи или пак куповната моќ на граѓаните се намалува, но традицијата треба да се одржува, велат анкетираните велешани.
Страшна сообраќајка се случи претпладнето на автопатот Велес-Скопје. Се судриле неколку автомобили.
Според информациите, за среќа нема жртви, но не се знае во каква состојба се возачите и патниците.
Сообраќајот на делницата се одвива многу отежнато.
За 24 часа се издадени потврди за искажана намера за поднесување на барање за признавање на право на азил на вкупно 1.830 странски државјани. За речиси 3 месеца се издадени потврди на над 68 илјади странски државјани.
Иако летото календарски се уште трае, времето е есенско. Влажната и нестабилна воздушна маса од Медитеранот што ја зафати Македонија предизвика изобилни врнежи од дожд, особено во западните и југозападните делови од земјата.
