Свечена академија по повод 8 Септември - Денот на независноста на Република Македонија се одржува во Македонскиот народен театар.
Обраќање има премиерот Никола Груевски кој истакна дека денеска прославуваме 24 години од формирањето независна, суверена и слободна Република Македонија.
Република Македонија денеска одбележува 24 години од успешно спроведениот референдум на кој македонските граѓани се изјаснија за самостојна и суверена држава.
Референдумот од 8 септември 1991 година е нашата најголема современа победа, а изразената волја на граѓаните претставува заокружување на стремежите, принципите и сонувањата на генерациите од двата Илиндена. Денес поради нас самите и евроинтегративните процеси, продолжуваме со реформите.
Вечерва во 19 часот почнува свеченоста по повод 8-ми Септември, Денот на независноста на Република Македонија. Свечениот прием ќе го приреди претседателот на Собранието Трајко Вељаноски, а ќе се одржи во Законодавниот дом.
Портпаролката на Европската Комисија, Маја Коцијачич, потврди дека еврокомесарот Јоханес Хан, доаѓа во Скопје на 18-ти септември.
Тој ќе има средби со премиерот Груевски, вицепремиерот за евроинтеграции, Бесими, и со министерот за надворешни работи Попоски.
Празни терени, неискосена трева, трибини оставени да пропаѓаат под забот на времето. Ова е сликата од фудбалскиот терен во скопското село Љубин. Иако изградено со државни пари да им служи за рекреација на локалните жители, сепак влезот на теренот е ставен под клуч.
Во владата се одржува Координативен состанок за решавање на проблемите кои граѓаните ги иницираа на теренските средби со владините тимови, предводени од премиерот Груевски.
По синоќешната неколкучасовна битка со огнената стихија жителите на подпелистерските села Цапари и Ротино можат барем малку да се опуштат. Пожарот кој беше сериозна закана по нивниот имот окулу полноќ беше ставен под контрола, а неколку часа потоа и целосно локализиран.
Не го трошете времето- апел од докторите до брачните двојки кои не можат да имаат дете по природен пат да работат на утврдување на причините. Плодноста е голем проблем во земјава – и затоа сѐ поголем број луѓе се решаваат на биолошки потпомогнато оплодување на сметка на Фондот.
Ќе се гради нова административно-деловна зграда за потребите на АД за стопанисување со станбен и деловен простор. 180 вработени ќе добијат подобри услови за работа.
