Мицкоски утре ќе ја пушти во употреба железничката пруга Куманово – Бељаковце

Утре со почеток во 12:30 часот по повод завршување на градежните работи на делницата Куманово – Бељаковце, Коридор 8 Источна делница,  претседателот на Владата на Република Северна Македонија Христијан Мицкоски ќе присуствува и ќе ја пушти во употреба железничката пруга Куманово – Бељаковце.

Пругата Куманово – Бељаковце е со должина од 30.8 километри и на неа се изградени 3 нови железнички станици (Ново Куманово, реконструирана постоечката железничка станица Куманово, 6 стојалишта, 5 мостови, 1 тунел, пропусти со различен дијаметар, заштита на наклони, одводни канали, пристапни патишта, звучни бариери, потпорни ѕидови, горен строј и сигнализација и телекомуникација.

На железничките станици и стојалишта е инсталирана сигнално-телекомуникациска опрема во вредност од 10.000.000 евра, алуминиумски седишта, челични настрешници, дисплеи, лед осветлување.

Собирно место е железничката станица во Куманово. Свој говор пред присутните ќе одржи премиерот Мицкоски.