Сирија: Повеќе од 100 луѓе загинати во низа напади

Во бомбашки напади во Хомс и во близина на храм во Дамск се убиени повеќе од 100 луѓе. Сириската државна телевизија објави материјали од самото место на нападот во квартот Ал-Захра, каде што се гледа дека екплозијата предизвикала голем пожар.

Имало неколку напади, вклучувајќи и автомобил-бомба во близина на шиитскиот град јужно од Дамаск.

Вчера американскиот државен секретар Кери и рускиот шеф на дипломатијата Лавров преку телефон постигнале договор за прекин на огнот во Сирија.

Договорот што треба да биде потврден од шефовите на САД и на Русија ќе стапи во сила  за неколку дена.