Европската комисија планира создавање на таканаречен „воен шенген“ за да се олесни транспортот на војници и техника во Европската унија.
Предвидено е одредување на потребите на воениот транспорт и проверка на инфраструктурата поради можноста за конфликт на стариот континент.
Севернокорејскиот лидер Ким Јонг-ун во Пекинг на средба со кинескиот колега Си Џинпинг. Ова е првата негова посета во странска земја откако стана претседател на Северна Кореја во 2011-та.
Раководството на Српската листа од Косово, по консултациите кај претседателот Александар Вучиќ во Белград реши да излезе од косовската влада.
САД и европските сојузници прогласија персона нон грата над 100 претставници на Кремљ во своите земји како кооридниран одговор на случајот „Скрипал“.
Српската листа излегува од косовската Влада, а 10-те општини со мнозинско српско население во Косово на 20-ти април ќе формираат Заедница на српски општини.
Рускиот претседател Владимир Путин при посетата на Кемерово изјави дека криминалната негрижа е една од причините за пожарот во трговскиот центар во кој загинаа над 60 луѓе.
Судот во германскиот град Нојминстер го продолжи притворот на поранешниот каталонски претседател Карлес Пучдемон, додека не се одлучи по барањето од Шпанија за негово испорачување во земјата.
Состојбата во северниот дел на Косово е напната, но мирна. Со барикади блокиран е магистралниот пат од Косовска Митровица кон Рашка во Србија, а на административниот премин Јариње се блокирани околу 50 камиони.
САД и европските сојузници прогласија „персона нон грата“ над 100 претставници на Кремљ во своите земји како кооридниран одговор на случајот „Скрипал“.
Според анонимен словачки обвинител, убиството на словачкиот истражувачки новинар Јан Куциак и неговата девојка веројатно било нарачано. Доказ за тоа бил недостигот од знаци на борба или кражба на одредени предмети, што, според него, покажува дека било испланирано.
