Советот за безбедност на Обединетит нации ќе гласа за построги санкции кон Северна Кореја поради нуклеарната и ракетна програма.
Мерките предвидуваат прекин на извозот на нафта и нафтени деривати во Северна Кореја и ограничување на можноста на граѓаните да работат во странство.
„Шпанската држава доживеа пораз на предвремените избори“, изјави разрешениот лидер на каталонија Карлес Пуџдемон во Брисел, честитајќи ја победата на Каталонската република.
Каталонските сепаратистички партии освоија тесно мнозинство во регионалниот Парламент на Каталонија, покажуваат прелиминарните резултати врз основа на 99 отсто преброени гласови од вчерашните вонредни избори.
Компанијата „Фиат Крајслер“ почна со преговори со клиенти од САД, околу обвинувањата за прикривање на прекумерно испуштање штетни гасови од нивните дизел возила.
По барање на некои арапски земји и држави со мнозинско муслиманско население, Генералното собрание на Обединетите нации свика вонредна седница поради американското признавање на Ерусалим за израелска престолнина.
Со свечена церемонија се одбележува затворањето на Меѓународниот кривичен суд за поранешна Југославија, познат како „Хашки трибунал“, а за десет дена и официјално ќе змаине во историајта.
Од безбедносни причини, турските власти забранија новогодишна прослава на истанбулскиот плоштад Таксим.
Неколку лица се повредени во австралискиот град Мелбурн откако џип намерно удри во голема група пешаци. Полицијата го утврдува мотивот за нападот.
Очевидци велат дека возачот се залетал кон групата луѓе кои минувале на пешачкиот премин и удрил во нив со брзина од 100 километри на час.
Граѓаните на Каталонија решаваат дали ќе ги поддржат партиите кои се за независност. Нивниот обид за сецесија од Шпанија заврши со сменување на регионалните власти, воведување директна управа од Мадрид и вонредни избори.
Поранешниот каталонски премиер Карлес Пуџдемон од Брисел упати последен повик до своите сограѓани да гласаат за неговата коалиција „Заедно за Каталонија“ на утрешните регионални избори.
