Над 10 лица загинаа во североисточна Јапонија во тајфунот што предизвика поплави. Девет лица починале во дом за стари и изнемоштени лица, а над 170.000 беа евакуирани.
Јапонската агенција за метеорологија издаде предупредување за поплави и лизгање на земјиштето.
Републиканскиот кандидат за претседател на САД Доналд Трамп ќе оди во посета на Мексико. На својот профил на Твитер, напиша дека со нетрпение ја очекува средбата со претседателот Пена Њето.
Европската работна група ја повика владата во Атина да приврши со спроведување на мерките од кредиторите потребни за траншата од 2,8 милијарди евра, со што би се решил грчкиот долг до крајот на годината.
Групата забележала „мал“ напредок во реализацијата на 15-те препишани мерки.
Работниците во фабриката за Кока-Кола во Син, близу до францускиот пристаништен град Марсеј, открија 370 килограми кокаин во контенјер, испратен од Јужна Америка, изјави обвинителот на Марсеј, Ксавие Тарабо.
Во јавноста протече радиска комуникација во која се откриваат планови за напад врз авионот на турскиот претседател Реџеп Таип Ердоган на денот кога беше извршен обидот за воен удар. Според транскриптот, пилотите кои учествувале во пучот на 15 јули планирале да го соборат претседателскиот авион.
Лидерот на демократите во американскиот Сенат, Хари Рид, бара ФБИ да истражи дали Русија е вмешана во американските избори, вклучувајќи ја и можноста за фалсификување на изборните резултати.
Едно лица загина и тројца се повредени во напад врз кинеската амбасада во Киргистан.
Мажот кој со автомобил се обидел да влезе низ вратата на дипломатското претставништво, по што фрлил и експлозив е една од жртвите.
Причината за нападот сѐ уште не е позната.
Објавена е радиска комуникација во која се откриваат планови за напад врз авионот на турскиот претседател Ердоган на денот кога беше извршен неуспешен обид за воен удар.
Според снимката, пилотите планирале да го соборат авионот во кој бил претседателот Ердоган.
ФБИ уапси жител на американската држава Масачусетс, осомничен дека имал намера да го убие претседателот Барак Обама.
Џозеф Гаргало планирал да го изврши атентатот додека претседателот бил на одмор на островот Мартас Винард.
Италијанската крајбрежна стража соопшти дека вчера координирала со акција за спасување на околу 6.500 мигранти од брегот на Либија.
