Пет нови случаи на заболени и еден починат од респираторниот вирус МЕРС во Јужна Кореја. Бројот на починати се искачи на 16, додека 150 луѓе се заболени.
Министерството за здравство, соопшти дека епидемијата нема голем прогрес, но очекуваат уште заболени.
Грција во ќорсокак- преговарачкиот тим на Меѓунардниот монетарен фонд ги напушти бриселските разговори со тим од Атина. Се врати во Вашингтон со оценка дека двете страни „се многу далеку од договор“.
Францускиот суд го ослободи од обвинение поранешниот шеф на Меѓународниот монетарен фонд и кандидат за француски претседател Доминик Штрос Кан.
Штрос Кан беше обвинет за сексуално злоставување и дека учествувал во сексуални забави.
Организацијата за заштита на културното наследство на Обединетите Нации, УНЕСКО го осуди утринскиот напад на саудиското воено воздухопловство врз Сана во Јемен во којшто речиси е уништен дел од стариот град.
Австралиски воен брод им платил на капетанот и на членовите на екипажот, бродот полн со емигранти да го вратат во Индонезија.
Преговарачкиот тим на Меѓунардниот монетарен фонд ги напушти разговорите со Грција во Брисел, и се врати во Вашингтон, со оценка дека двете страни „се многу далеку од договор“.
Масовна гробница со 600 тела на ирачки војници најдена во воената база во Тикрит.
Ирачкиот министер за човекови права соопшти дека егзекуцијата ја извршиле екстремистите од Исламска држава минатата година, за време на освојувањето на Тикрит.
Европскиот парламент усвои необврзувачка резолуција, со која се повикуваат владите на земјите-членки на ЕУ, да не отстапат од договорените санкции што се воведени кон Русија.
Невработеноста во Грција повторно бележи зголемување, достигнувајќи 26,6 проценти во првото тримесечје на 2015 година, во споредба со 26,1 отсто во последното тримесечје на 2014 година, објавија грчките медиуми.
Пет цивили загинаа, од кои две деца и три жени кога украинските сили го гранатирале украинскиот град Горловка, на југоистокот од Украина.
Во соопштението од Министерството за одбрана на самопрогласената република Доњецк се наведува дека гранатирани биле станбените делови на Горловка.
