Гвинеја ја затвори границата кон Сиера Леоне како дел од напорите да и стави крај на епидемијата на ебола, од која во Западна Африка до сега починаа повеќе од 10.000 луѓе.
Во Либерија во моментот нема заразени, а во Сиера Леоне е забележан постојан пад во бројо на случаи на заболени.
Најмалку 17 лица загинаа, а едно се води како исчезнато во свлечишта предизвикани од обилните дождови во Кашмир. Припадници на војската со багери се обидуваат да го пронајдат исчезнатото лице под урнатините.
Најмалку 21 лице загина, а 38 се потешко повредени кога автобус излетал од патот на југоистокот од Перу во планинската област на Андите и паднал во бездна длабока 1.000 метри.
Коалицијата на арапските земји предводена од Саудиска Арабија во текот на ноќта продолжи да ја бомбардира Сана. Дел од медиумите јавуваат дека бил гранатиран и склад со ракети во близина на јеменската престолнина.
Интегрирањето во Европската унија е мотивирачки фактор за демократските реформи во земјите кандидати. Оддолжувањето на проширувањето поради билатерални спорови и спротивставувањата од страна на одделни земји членки негативно влијае врз поддршката во земјите кандидати за прием во Унијата.
Европската влада очекува Грција до крајот на идната недела да го достави конечниот попис на реформи, бидејќи реформите се предуслов за добивање финсиска помош. Грција се наоѓа во тешка состојба и затоа Брисел нема да прифати за проблем да се најде политичко решение.
Се досега односот на силите беше во корист на левицата, што го наведе поранешниот претседател и сега лидер на УМП, Никола Саркози да изјави дека „Алтернативата е на пат, ништо нема да ја запре“ – ова се истите зборови како и пред една недела.
Лидерот на Српската радикална партија Војислав Шешељ денеска изјави дека нема доброволно да се врати во Хашкиот трибунал, како и дека стои зад се што изјавил откако се вратил во Белград. Тој најави дека денеска по пладне ќе биде во Бор, каде ќе зборува на трибина на СРС.
Француската конзервативна партија УМП на поранешниот претседател Саркози и нејзините сојузници победија во вториот круг од локалните избори. Освоија најмалку 65 департмани, за разлика од претходно кога држеа 41 департман.
Лидерот на Српската радикалана партија Воислав Шешељ мора да се врати во Хаг, пренесува Танјуг повикувајќи се на објавените информации на сајтот на Трибуналот.
