Маскирани напаѓачи упаднаа во универзитет во Кенија близу до границата со Сомалија. Се слушнале експлозии и истрели, убиени 15-мина и има 30-тина ранети.
Според очевидци, голем број од студентите успеале да побегнат, но во зградата има голем број загинати.
Калифорнија од рај на холивудските ѕвезди се претвора во пустина. Првпат во историјата, властите прогласија задолжителни рестрикции на водата. Универзитетите, игралиштата за голф и другите големи сопственици на земја ќе мораат да ја намалат употребата за 25 проценти.
Американскиот сенатор од редовите на демократите, Боб Менендез е обвинет за злоупотреба на положбата и корупција. Ја искористил функцијата за да му помогне во решавање на приватен спор на богат доктор од Флорида.
Во Охотското Море кај Kамчатка потона руски рибарски брод со над 130 членови на екипажот од повеќе земји. Во тек е спасувачка операција по 20-тина исчезнати, а потврдено е дека се удавиле 54 лица.
Укинување на санкциите против Иран веднаш по постигнувањето на договорот и да не се предаде нуклеарниот материјал на Русија, ова се ставовите на кои остана официјален Техеран по последните преговори во Швајцарија со шефовите на дипломатиите на Британија, Франција, Русија, Кина и САД.
Продолжуваат нередите во Турција. Двајца вооружени мажи упаднаа во седиштето на Партијата на развојот и правдата во Истанбул на турскиот претседател Реџеп Таип Ердоган. На вработените им било наредено да го напуштат објектот, а мотивот за упадот се уште е непознат. Напаѓачите се уапсени.
Четворица загинати, повеќемина повредени, хаос во сообраќајот и огромна материјална штета е билансот од вчерашното невреме, што ја зафати Германија.
Бурата „Никлас“ пропратена со поројни дождови и силен ветер, предизвика проблеми и во патничкиот и во железничкиот сообраќај.
Апсења во Истанбул по вчерашната осумчасовна заложничка драма во која животот го загуби киднапираниот обвинител Мехмет Селим Кираз, како и двајцата киднапери. Полицијата уапси 22-ца студенти, членови на радикалното движење Револуционерна народноослободителна партија.
Грчка влада не се согласува со санкциите против Русија и воедно сакаме да ги продлабочиме трговски врски со оваа земја, изјави грчкиот премиер Алексис Ципрас пред посетата на Москва закажана за идната недела.
62 деца загинаа а голем број се повредени во нападите на Саудиска Арабија и Коалицијата во Јемен.
На децата им е неопходна помош и сите страни треба да помогнат да се намали смртноста на децата, велат од УНИЦЕФ.
