Најмалку пет лица загинаа, а десетици се повредени, во шумските пожари што во текот на ноќта зафатија неколку села во југоисточна Турција. Здравствените власти велат дека десетмина се хоспитализирани со тешки повреди.
Во гаснењето на пожарот интервенирале 41 возило и 150 луѓе.
Израелците на нов протест, бараат избори и ослободување на сите заложници што ги држи Хамас. Ја обвинија владата дека ги става политичките интереси пред граѓаните. Израелскиот премиер тврди дека нема да се откаже од Газа, сè додека сите заложници не се вратат дома.
Во текот на повеќе од десетина години на врвот на холандската политика, Марк Руте сега е водечки кандидат за нов генерален секретар на НАТО.
Руте се смета за жесток критичар на рускиот претседател Путин и верен сојузник на Украина.
Најмалку четири лица загинаа во налет на бурата Алберто што го погоди Мексиканскиот залив. Бурата донесе изобилни дождов. Алберто поттикна предупредувања за тропска бура во поголем дел од крајбрежјето на западниот дел на Мексиканскиот Залив, од Тексас до Веракруз.
Пентагон потврди дека пристаништето изградено од американската војска во Газа, повторно доставува хуманитарна помош откако изминатата недела беше отстрането по втор пат поради немирното море.
Претседателот Зеленски вели дека Украина е способна да ги победи руските империјални амбиции. И се заблагодари на Романија за одлуката да го префрли системот „Патриот' во Украина, додавајќи дека неговиот тим работи за да обезбеди испорака на уште неколку „Патриоти“.
Лидерите на Србија и на Косово ќе се сретнат на 26-ти јуни во Брисел, потврди портпаролот на Европската унија Петер Стано.
Холандскиот премиер во заминување, Марк Руте, ќе биде следниот генерален секретар на НАТО откако сите 32 членки на Алијансата се договорија тој да го наследи Јенс Столтенберг, објави бриселскиот портал Политико.
Две лица загинаа, а тројца се повредени утрово во Цетиње, откако пред Спортски центар била активирана експлозивна направа.
Едно лице загинало на местото на нападот. Според извор од врвот на полициската управа, второто лице им подлегнало подоцна на повредите.
Рускиот претседател Путин е во државна посета на Виетнам, откако претходно беше во Северна Кореја.
Двете земји потпишаа договор кој предвидува да си помогнат меѓусебно доколку некоја од нив биде нападната.
