Земјотрес со јачина од 4,3 степени според Рихтеровата скала го погоди денеска грчкиот остров Самос во Егејското Море, соопшти Геодинамичкиот институт во Атина.
Во соопштението се наведува дека епицентарот на земјотресот бил на длабочина од 12,5 километри.
Техеран нема итни планови за одмазда на израелскиот напад во Исфахан. Според властите, воздушната одбрана соборила три дрона. Потврдија дека нуклеарните постројки се безбедни, а цел била иранската воздухопловна база.
Иранската воздушна одбрана собори три, наводно израелски дрона во Исфахан, соопштија властите на Техеран. Нуклеарните постројки се безбедни, нападот бил насочен кон воздухопловната база.
Избрани се сите 12 поротници за историското судење на Доналд Трамп поради поткуп, што ја придвижува постапката поблиску до воведните изјави и почетокот на неколкунеделното драматично сведочење.
На барање на Киев, почнува вонредниот самит Украина-НАТО на кој се разговара за прашањето за украинската воздушна одбрана. Германскиот канцелар Шолц изрази надеж дека членките на Алијансата наскоро ќе и испратат системи за противвоздушна одбрана. Потврда за воена помош и од САД.
Земјотрес со јачина од 5,6 степени според Рихтеровата скала попладнево ја погоди централна Турција, пренесува EMSC.
Црвен аларм во Индонезија по големиот број ерупции на вулканот Руанг во провинцијата Сулавеси. Над 11 илјади жители се евакуирани, а во прекин е и авиосообраќајот.
Се стравува дека ерупциите на вулканот можат да предизвика и цунами. Засега нема информации за жртви.
САД дале зелено светло на израелскиот план за копнена офанзива во Рафах, доколку Тел Авив не возврати на иранскиот напад-пишуваат израелски медиуми. Нетанјаху претходно изјави дека неговата земја сама ќе ги донесе одлуките како ќе одговори.
Владејачката Хрватска демократска заедница по трет пат е победник на парламентарните избори во Хрватска. По пребројани над 90 насто од гласовите, ХДЗ освои 61 место во 151-члениот парламент, што е помалку пратенички места од претходните избори.
Продолжува војната со меѓусебни напади на релација Москва-Киев. Додека двете страни соопштуваат за успешно пресретнати дронови, шефот на европската дипломатија од самитот г-7 од капри, повика на итно испраќање на воздушни системи за Украина.
