Најмалку четири лица загинаа во оружен инцидент во грчка бродска компанија во јужното атинско предградие Глифада.
Напаѓачот, поранешен вработен во компанијата, влегол во зградата и отворил оган кон вработените. Во нападот загинаа три лица, по што напаѓачот се самоубил.
Очите на светската јавност вперени кон Израел. Вашингтон не поддржува копнена офанзива во Рафа на границата со Египет и предупредува за можна катастрофа. Брисел бара прекин на огнот и намалување на последиците од хуманитарната криза.
Изобилните дождови предизвикаа поплави и блокираа улици во некои области на Дубаи. Автомобилите останаа заглавени бидејќи системите за одводнување не можеа да се справат со дождот.
Експремиерот на Финска, Александар Стуб, стана нов претседател на државата, откако во вториот круг од претседателските избори во неделата, го победи својот противкандидат Пека Хависто.
Американскиот секретар за одбрана, Лојд Остин, примен е на одделот за интензивна нега поради итен проблем, објави Пентагон. Министерот бил примен во Националниот военомедицински центар Волтер Рид за поддршка и внимателно следење, се вели во соопштението објавено доцна синоќа.
Борбите продолжуваат на сите фронтови во Украина. Францускиот претседател, Емануел Макрон, ја одложи дводневната посета на Киев од безбедносни причини.
Борбите продолжуваат низ Појасот Газа. Десетици Палестинци се убиени во израелските напади врз Рафа.
Здравствените власти на Рио де Жанеиро прогласија епидемија на смртоносната треска-Денга којашто се пренесува преку комарците. Во градот, во којшто почна карневалот, се забележани повеќе од 10 илјади случаи од почетокот на годината.
Знамиња, балони и пароли низ улиците на иранскиот главен град, се одбележува исламската револуција. Барабаните на војната ечат на Блискиот Исток, во Техеран, илјадници иранци извикуваа смрт на Америка, смрт на Израел. Гореа и националните симболи на двете држави.
Гласачите во Финска избираат нов претседател, чија главна задача е управување со надворешната и безбедносната политика на земјата која е последната членка на НАТО по руската инвазија на Украина.
