Турскиот претседател Реџеп Таип Ердоган денеска во Истанбул го прими неговиот украински колега Володимир Зеленски.
Ердоган го пречека Зеленски, кој дојде во Истанбул на негова покана, со свечена церемонија во вилата Вахдетин. По пречекот, средбата продолжи зад затворени врати.
Во Њујорк вчеравечер се судрија двокатен автобус и туристички автобус, при што 18 лица се пренесени во болници. Од полицијата велат дека повеќе од 60 патници побарале да бидат прегледани од лекар кој бил на местото на настанот.
Шест лица загинаа, а десетици се повредени во пожар што синоќа избувна во дом за стари лица во Милано, соопштија пожарникарите.
Вработените во јавниот транспорт почнаа национален штрајк во Италија. Опфатени се подземните и трамвајските мрежи, возовите и автобусите.
Научниците предупредуваат дека најтоплите денови за оваа година допрва доаѓаат. Екстремно високи температури на речиси сите континенти. Велика Британија го имаше најтоплиот јуни досега. Слично и на јужниот дел на САД. Во делови од кина продолжи долгорочниот топлотен бран.
Украинскиот претседател ја продолжува турнејата низ Европа. Зеленски упати апел до европските претставници да направат сè што е можно за да почнат разговори за пристап во блокот оваа година. Властите во Чешка ветија дополнителни воени хеликоптери на Украина и обука на пилоти.
Украинскиот претседател ја продолжува турнејата низ Европа. Зеленски упати апел до европските претставници, да направат сè што е можно за да почнат разговори за пристап во блокот оваа година. Властите во Чешка ветија дополнителни воени хеликоптери на Украина и обука на пилоти.
Две руски фрегати пристигнаа во Шангај во седумдневна посета.
Шумски пожар го зафати грчкиот остров Евија недалеку од селото Милаки, во општина Кими-Аливери, на околу 70 километри од Атина. Во справување со пламените јазици учествува авион, 82 пожарникари и 24 противпожарни возила.
Компанијата „Оушн Гејт“ сопственик и ракувач со подморницата „Титан“ што заврши фатално со имплозија, при што загинаа пет лица, прекинува со сите истражувања и комерцијални операции.
